Un grand village de football sera organisé ce mercredi à Ajaccio, à l'initiative de l'ACA, de la LFP et de la Ville d'Ajaccio
Un « gran’paesu di ghjocu à ballò » hà da essa urganizatu marcuri u 17 d’aprili, da meziornu à setti ori di sera, à nantu à a piazza Miot, in Aiacciu.
À avvià iss’evenimentu, hè stata a squadra prufiziunali di l’ACA, liendu si à a Liga Prufiziunali di Ballonu è à a cità d’Aiacciu. Issu « paesu » hà da prupona 1 500m² d’animazioni, è ci duvaria ghjunghja u mondu.
Issu dispusitivu t’hà par fini di fà a prumuzioni di u campiunatu di siconda divisioni è di i so squadri.
Dici l’ACA ch’idda hè a prima volta ch’iddu si faci in Corsica iss’evenimentu chjamatu « Place de Foot ».
Ghjochi, spartera è sport sarani di issu ritrovu : ci si hà da pudè fà tiru di pricisioni, parcursu tecnicu o ancu gaming : ghjustra EA FC24, baby-foot, gran’tarrenu di ballonu…
In più di quissa, a squadra aiaccina hà da prupona à l’aienti, supr’à locu, una vendita à straccia marcatu !
Avvisu hè datu à i passiunati di ballonu !
