Un exploitant balanin perd plus de la moitié de ses brebis tuées par la foudre
(A ridazzioni d'Alta Frequenza) - Hè successu un affari pessimu à Nicolas Pedaggi, un ghjovanu picuraghju di Calvi. Dici a so famidda, chì cunfirma i infurmazioni di Corse Matin, ch'idd'era inchietu u ghjuvanottu d'ùn veda rifalà una bedda parti lla so banda, ch'era muntanata in Niolu. Andendu ind'iddi muntanaiani di regula i so bestii, hà trovu in un tafonu centu vinti di i so pecuri fulminati. À senta à i soi, l'era aghjà successa, muntanendu, d'avè uni pochi di pecuri fulminati. Ma sinu ad oghji, ùn sò mai stati più d'una dicina. A perdita hè à tempu affittiva è ecunomica pà issu ghjovanu pastori, chì hà ripresu cinqui anni fà a banda lla famidda. Una famidda chì rifletti avali à chì fà da porghja li aiutu. À chi vurria aiutà o impignà si, pò chjamà u 0616646446.
Sur le même sujet
