Un appartement totalement détruit par un incendie à Prunelli di Fium'Orbu
(A redazzioni d'Alta Frequenza) - Un focu hè partutu stamani (luni) versu 8 ori ind’un HLM di Morta, nant’à a cumuna di Prunelli di Fium’Orbu. Un appartamentu, à u terzu pianu, hè statu distruttu di modu sanu. Ancu di grazia, nimu hè statu feritu. Parechji mezi, frà altru i spignifochi di A Ghisunaccia, un’ambulanza, a scala di i pumpieri di Corti, sò stati mubilizati, senza sminticà l’intarvinzioni di parsunali di a Basa Aerea di A Sulinzara. U focu hè ammaistratu oramai ; a gendarmeria è agenti EDF sò sempri sopralocu. I servizi municipali sò incaricati di truvà un alloghju novu à i parsoni tocchi ; una lista chì pudaria essa più longa di pettu à l’acqua nicissaria pà spigna u focu, chì pudaria tuccà altri appartamenti.
Sur le même sujet
