Le Direct

U Riacquistu di Portivechju réclame un véritable Plan d'Occupation Pastorale

(A redazzioni d'Alta Frequenza) - Calchì ghjornu fà, a Corti Amministrativa d'Appellu di Marseghja hà cunfirmatu l'annulazioni di u Pianu Lucali d’Urbanisimu di Purtivechju. I rimprovari contr’à ssu ducumentu : i spazii rimarchevuli di Palumbaghja micca rispittati, a divisioni di u tarritoriu municipali fatta senza cuntinuità cù ciò chì asisti o ancu l'apartura à l'urbanisazioni di parechji zoni agriculi. Ed hè nant’à ss’ultimu puntu ch’ellu insisti oghji particularmenti U Riacquistu di Portivechju. In fatti, sicondu u muvimentu naziunalistu, u PLU di Purtivechju batti à prò di un sviluppu chì s’appoghja nant’à u settori residenziali è immubuliari inde lochi duva ùn ci hè nisun custruzzioni suventi. Una scelta chì, sempri à parè di u Riacquistu di Portivechju, « si faci contr’à l’inghjochi ambientali è i pussibilità agriculi chì asistini » nant’à a cumuna, cù i cunsequenzi ecunomichi è suciali chì sò liati. I naziunalisti lampani oghji di manera publica una chjama à a municipalità, cù una dumanda : « ch’aveti da ingaghjà com’è Pianu d’Occupazioni Pasturali pà u nostru rughjoni ? »

Ecoutez les précisions de Dumè Tafani, pour U Riacquistu di Portivechju.