U caccavellu, pâtisserie reine des fêtes de Pâques en Corse
(A redazzioni d'Alta Frequenza) - Hè oghji u vennarì Santu, ghjornu impurtantissimu di a Sittimana santa pà tutti i Cristiani di Corsica. Messi è prucissiò sarani cilibrati inde l’isula sana pà l’uccasioni, in Bunifaziu o in Bisinchi par asempiu. Ma a prucissioni a più famosa ferma di sicuru quilla di u Catinacciu, chì si farà stasera à partasi di 9 ori-9 ori è mezu in Sartè. U penitenti, tuttu di rossu vistutu, trascinarà a so croci di 34 chilò è a so catena pisiva ind'i carrughji di a cità. Cascarà, com'è Cristu è com'è a voli a tradizioni, trè volti nant'à a so strada. Un evenimentu rilighjosu di trinca chì adunisciarà torna una volta millai di fideli di Corsica ma dinò d’altrò. Comu si pò parlà di i festi di Pasqua, senza ammintà a tradizioni culinaria, è frà altru ssa pastizzeria circulari chjamata caccavellu o campanile sicondu u rughjoni. Fattu cù una pasta à l'anici, ind'a quali pò essa missu unu o parechji ovi, u caccavellu ferma sempri un deliziu pà i chjuchi è i maiò à l'uccasioni frà altru di a merendella di Pasqua.
Un sapè fà mantinutu è cù una simbolica forti, com'ellu a ci dici Jean Fenech pà a biscuttaria d'Afà.
Sur le même sujet
