Le Direct

Tutti Furianinchi veut se placer en alternative pour les municipales à Furiani

In Furiani, à calchì mesi lli municipali, una iniziativa d’uppusizioni s’affacca, chjamata « Tutti Furianinchi ». Pà l’aienti d’issa lista à vena, hè ora di ridà una dinamica à Furiani, ch’idda sichi in cor’di cità o in paesu. Parlendu di u paesu d’altrondi, facini rimarcà ch’idd’ùn ci si trova mancu più un cumerciu, nè mancu un caffè.

Par « Tutti Furianinchi », a pusizioni lla maiurità eletta ùn hè cusì chjara. Eletta à manca, pari vultà si oghji versu u naziunalismu, à a manera llu sicondu aghjuntu, Louis Pozzo di Borgo. Quissu d’altrondi hà una prisenza forti, chì faci quistiunà si à « Tutti Furianinchi » : quali hè chì dirighji à veru à Furiani ?

Ancu sè Enzo Martel è Jean-Alain Tarelli, dui punteddi d’issa dimarchja, sò vicini puliticamenti à Jean-Martin Mondoloni, « Tutti Furianinchi » ùn ni rivindichighja culori puliticu. Dui cunsiglieri municipali d’uppusizioni ani dighjà adiritu à issa dimarchja, chì pudaria ancu siducia ghjenti di a maiurità attuali.
Steti à senta à Enzo Martel, à nomu di « Tutti Furianinchi »