Tuerie de Bastia : un homme avoue les meurtres en garde à vue
Via un cumunicatu, u prucuratori lla ripublica di Bastia spieca ch’iddi pudariani essa risolti i quattru umicidii di Bastia.
Dici Jean-Philippe Navarre chì, finiti i primi asamini ligali, l’autupsii di i vittimi insignani ch’iddi sò morti parvia di tiri in capu d’arma à focu.
L’undici di ghjinnaghju, a inchiesta aparta à mutivu d’umicidii vulintarii, purtata da a DIPN è da u Sirviziu Interdipartimintali di Pulizza Ghjudiziaria di u Cismonti, hè sbuccata à nantu
à a intarpillazioni di parichji parsoni, una issendu supposta liata dirittamenti à l’affari.
D’età 34 anni, uriginariu di Bastia, l’omu hà ricunnisciutu avè cumissu l’accidiu. Hà spiicatu ch’iddu hè andatu ind’è i vittimi, ch’iddu cunniscia da vindidori di droga, à fini d’arrubbà li.
Hè statu difaritu in pracura issu ghjornu, in u quadru d’una infurmazioni ghjudiziaria à mutivu d’arrubbeghju cù armi è accidiu liatu à a rialisazioni d’un’altru crimini.
Hè stata dumandata a so missa in ditinzioni pruvisoria.
Sur le même sujet
