Trois nouvelles mises à feu à Olmeta di Tuda
(A redazzioni d'Alta Frequenza) - Mentri chì u focu di a simana passata, partutu d'Ulmeta di Tuda è chì hà distruttu 2 192 ettari hè cuntrullatu ma ancu ammaistratu di manera ufficiali, sò trè fochi novi chì sò partuti ssu marti in bor di strada nant'à a listessa cumuna. I dui prima, stanotti versu 1 ori è mezu in bor di strada in a sizzioni trà u paesi è a bocca di San Stefanu, sò stati ammaistrati in furia è ani brusgiatu 1 000 m2 di machja chjuca. Un terzu focu, stamni appena dopu à ottu ori è mezu sempri in u listessu settori, ùn hè ancu ammaistratu è hà dighjà distruttu 6 000 m2. Un Tracker hè sopralocu, ma dinò spinghjifochi numarosi par ammaistrà a situazioni, ancu s'è i fiari ùn inchietani micca troppu quantunqua, postu chì a testa di fochi và ver di i lochi tocchi da u sinistru di a simana scorsa, ancu s'è una zona cù assai arburi micca luntanu di pettu à u paesi faci ch'ella c'hè una certa attinzioni.
