Trois morts et de nombreux blessés dans un terrible accident de la route à Conca
(A redazzioni d'Alta Frequenza) - Accidenti dramaticu nant'à a strada arisera (ghjovi) nant'à a cumuna di Conca, è più particularmenti, à u nivellu di u paisolu di Tarcu. Par raghjoni chì ùn sò ancu cunnisciuti, trè vitturi - frà i quali dui appartinendu à turisti - si sò inticciati. Ind'i trè veiculi, c'erani in tuttu tredici parsoni. Dopu à un inticciu di una viulenza strema, i succorsi sò ghjunti in furia sopralocu. Un omu è dui donni sò morti, è parechji parsoni feriti di modu gravi sò stati presi in carica è traspurtati à l'uspidali. Un bilanciu chì pudaria divintà ancu di più impurtanti par disgrazia. A brigada di gendarmeria di Santa Lucia di Purtivechju rializeghja l'inchiesta pà cunnoscia i circustanzi di ss'accidenti tarribuli.
Sur le même sujet
