Transports maritimes : la CGPME attaque les OSP
(A redazzioni d'Alta Frequenza) - L'ubligazioni di serviziu publicu maritimu facini torna parlà d'elli. Mentri chì i cartulari cuncirnendu a Dilegazioni di Serviziu Publicu sò stati posti da u duettu SNCM/La Méridionale è da a Corsica Ferries, un puntu di u quaternu di i carichi di l'OSP hà fattu nascia a rivolta di a CGPME Corsica. À tali puntu chì quissa quì hà dicisu di purtà l'affari davanti u tribunali amministrativu di Bastia cù una dumanda in annulazioni, pà eccessu di puteri nant'à a deliberazioni 12/198 di u 9 di nuvembri di u 2012. A CGPME rimpruvareghja à l'Assemblea di Corsica d'avè aduttatu un testu chì pudaria impidiscia qualsiasi cuncurrenza à longu andà, frà altru cù una cunvenzioni di un annu chì pò essa rinnuvata, è chì s'arremba nant'à criterii d'ubligazioni di frequenza di viaghji, è dinò nant'à prezzi simuli à ùn trapassà micca, di pettu à quilli di a DSP senza i so vantaghji. Prezzi chì ùn ci voli micca à trapassà è chì inghjinnariani tandu una calata di u prezzu di u trasportu di i passaghjeri è di i marcanzii pà a CGPME.
On écoute Philippe Pasqualini, vice-président de la CGPME Corsica.
Sur le même sujet
