Transport maritime entre la Corse et l’Italie, le préfet de Corse précise les futures modalités concernant les passagers
U prifettu lla Corsica dà calchì pricisioni, pà u trasportu lli passaghjeri trà Corsica è Italia.
Spieca chì « parvia lla crisa sanitaria, è par metta si à paru di i misuri imposti à i viaghjadori francesi chì vani in Italia, un prutucollu sanitariu spicificu sarà missu in anda, pà i passaghjeri lli traghjetti marittimi trà porti corsi è taliani ».
À parta si da l’ottu di dicembri, i passaghjeri à l’imbarcu prisintarani una dichjarazioni da accirtà ch’iddi ani fattu, in i trè ghjorna scursi, una virifica nigativa à u Covid.
Par casu ch’idd’ùn achini issa dichjarazioni, li tuccarà à fà la, issa virifica, in i 24 ori dopu à a so ghjunta.
« In ugni casu, li tuccarà à dà a prova d’issa virifica, ch’idda sichi stata fatta in Corsica o in Italia, par casu ch’iddu ci sichi un cuntrollu », pricisa u prifettu lla Corsica.
Ni parlaremu in l’edizioni à vena.
