Transport des moteurs de la centrale de Lucciana : une opération lourde
(A redazzioni d'Alta Frequenza) - Eri (marcuri), u prifettu di Corsica Suprana, Louis Le Franc, u direttori aghjuntu d'ERDF in Corsica è i merri di i cumuni cuncirnati ani prisintatu i mudalità di trasportu di i mutori di a futura cintrali di Lucciana. Un trasportu in dui tempi, d'aprili è di ghjunghju, cù a prima parti chì hè stata ditaghjata. Issi mutori è i so alternatori raprisentani un trasportu stradali eccezziunali difficiuli à gistiscia, chì inghjinnarà disturbi soprattuttu in Bastia, pà i notti da u 15 à u 19 d'aprili cù frà altru disturbi di staziunamentu. Issu trasportu di mutori hè un’uparazioni propiu scarsa, è com’è qualsiasi uparazioni simuli, misuri impurtanti è pricisi sò nicissarii. Pà dà vi un’idea di l’impurtanza di issu trasportu eccezziunali, è di i so cunsiquenzi pà a pupulazioni, steti à senta à Jean-Marie Chabert, chì hè rispunsevuli di u prughjettu di custruzzioni di a nova cintrali di Lucciana.
Écoutez-le.
