Le Direct

Transfert des déchets sur Nice : le point avec Christian Estrosi et son adjoint Pierre-Paul Leonelli

Laurent Marcangeli, u merri d’Aiacciu è prisidenti lla CAPA, hà fattu duminica un currieri à Gilles Simeoni, u prisidenti llu cunsigliu esecutivu.

Li pruponi di discorra cù u prisidenti lla righjoni PACA, chì pudaria permetta « u trattamentu lli rumenzuli di Corsica, à bastanza prestu, è pà un tempu limitatu ». À senta lu, l’affari pirmittaria intantu, d’allibbiì un pocu a situazioni.

Ma supr’à tuttu, Laurent Marcangeli faci sapè ch’idd’hà dighjà parlatu cù Christian Estrosi, u merri di Nizza è prisidenti lla metropula, chì t’hà un situ di trattamentu à nantu à u so tarritoriu, è chì l’hà datu cunfirma d’issa pussibilità.

Una cunfarenza di stampa di l’eletti di i dui cità hè stata urganizata luni.

U merri di Nizza hà dittu ch’iddu s’era pinsatu à issa suluzioni à nomu lla sulidarità, ma dinò parvia di a leia trà i dui cità. À senta lu, pà iss’uparazioni, ùn ci saria à pagà chè u prezzu llu funziunamentu.

Stemu à senta à Christian Estrosi.

L’aghjuntu à u merri di Nizza in carica lla pulizia, è cunsiglieri righjunali PACA hà fattu u puntu di i cuntatti cù Gilles Simeoni pà a CDC è François Tatti pà u Syvadec. I discussioni si sò fatti cù u prisidenti di l’esecutivu. U rispunsevuli llu Syvadec, inveci, si hè cuntintatu d’una tiliffunata à l’usina.

Stemu à senta à Pierre-Paul Leonelli.