Trafic de stupéfiants à Ajaccio : deux frères condamnés à de la prison suite à plusieurs mois d'enquête
D’uttrovi di u 2022, i sirvizia di l’USES sò stati infurmati ch’iddu ci era un trafficu di droga in u centru d’Aiacciu, in u carrughju llu duttori Pompeani.
Issu trafficu saria fattu da dui fratedda, abitanti d’un palazzu di u carrughju.
Hè tandu aparta una inchiesta. Dopu à parichji mesa di surviglianza, hè stabilita chì i venditi si facini dirittamenti in a intruta di u palazzu, o in i carrughja à torru.
U cinqui di ghjunghju, hè missu in anda un dispusitivu d’intarpillazioni, in cullaburazioni cù u GSP. Ed hè tandu ch’iddu s’affacca un clienti, par fà una comprita à unu di i fratedda.
Tandu u GSP prova à intarpillà u clienti, chì circa à scappà. Pruvendu à saltà una muretta, si ni casca quattru metra da suttu è si tronca i dui cavichjuli.
Purtatu à u spidali, hè presu cù 23 grammi di pecia di canapu.
L’omu era ancu ricircatu à mutivu di viulenzi fatti à a so cumpagna.
I dui trafficanti, presi ancu iddi, sò stati missi in guardia à vista.
Intesi da a pulizza, i dui fratedda ani ricunnisciutu i fatti. In casa soia, sò stati trovi cinquanta grammi di pecia di canapu è 13 220 € in liquidu.
Missi in cumparuzioni cù una ricunniscenza di culpabilità, i dui fratedda sò stati cundannati u 7 di ghjunghju.
Unu si hà buscu 24 mesa di prighjunia, cù 12 mesa fermi senza mandatu di dipositu.
L’altru hè statu cundannatu à 18 mesa, cù un annu attimpatu.
Li sarà missu, à i dui, un braccettu elettronicu.
