Tour de Roccapina : Femu a Corsica tire la sonnette d'alarme
Sabbatu, via una cunfarenza di stampa, si hè impinsiritu Femu a Corsica di u statu lla turri di Roccapina.
À ciò ch’iddi n’avariani vistu militanti è ghjenti di u lucali, ci hè à veru di chì essa inchieti pà u bastimentu, è à curtu andà ancu.
Ma issa situazioni ùn hè asatta à suluziunà, chì a turri hè à nantu à i tarrena d’un prupriitariu talianu.
Sò uni pochi d’anni aghjà chì u Cunsirvatoriu llu Litturali circa à cumprà issi tarrena. U prupriitariu avia fattu capì ch’iddu pudia dà una risposta pusitiva à issa pruposta, ma dipoi ùn si hè più intesu.
Tandu, Femu a Corsica dumanda à i puteri publichi d’agì, è conta fà una muzioni pà a prossima sissioni di l’assemblea.
Steti à senta à François Martinetti, u sicritariu naziunali di Femu a Corsica.
