Titres de propriété : l'exemple
(A redazzioni d'Alta Frequenza) - Monaccia d'Auddè duvaria essa un asempiu in materia di rigularisazioni di i tituli di prupietà. In fatti, ssa cumuna hà finalizatu chì hè pocu cù u GIRTEC a rigularisazioni di i tituli trattendu 88 pezzi di tarreni è 458 ettari di bè cumunali fendu la finita cusì cù più di 200 anni d'incertezza ghjuridica. Ammintaremi u casu particulari di Monaccia cù u so merri, Marc Luciani, ind'i nostri nutiziali chì venini. U GIRTEC, parchì tuttu principia cun ellu, hè statu criatu in u 2007, ma u so travaghju effettivu hà cuminciatu solu in u 2010. Ci hè vulsutu in fatti à invintà tuttu o guasgi tuttu pà ciò chì tocca u metudu à metta in ballu pà ritruvà si inde millai è millai di tituli di prupietà. Da l'archivi di u tempu di Nabuliò fin'è oghji, hè un veru travaghju di furmicula ch'elli devini rializà i setti impiecati di u Gruppu d'Intaressu Publicu pà a Ricustituzioni di i Tituli di Prupietà in Corsica.
Steti à senta à Paul Grimaldi, u presidenti di u cunsighju d'amministrazioni di u GIRTEC.
Sur le même sujet
