Tir d'arme de chasse contre la mairie de Penta di Casinca
(A redazzioni d'Alta Frequenza) - A casa cumuna di Penta di Casina, in i Fulelli, hè stata tocca da un tiru in a notti trà vennari è sabbatu, ani cunfirmatu i servizi di a prifittura di Corsica. L'infurmazioni hè stata cumunicata solu calchì ora fà. Hè u merri di a cumuna chì hà scupartu i fatti ssu sabbatu. Un'arma par andà à caccia saria stata aduprata è inghjinnatu disguasti nant'à a parti alta di una porta in vetru. I gendarmi, in carica di l'inchiesta, sò andati sopralocu pà rializà i primi custatazioni. Nisun rivindicazioni hè stata ritrova sopralocu.
Sur le même sujet
