Le Direct

Thierry Corbalan et ses compagnons mettent fin au défi en raison du mauvais temps

Thierry Corbalan et ses compagnons mettent pied à terre à Solenzara en raison du mauvais temps

(A redazzioni d'Alta Frequenza) - A sfida di u ghjiru di Corsica à u notu rializata da u delfinu corsu, Thierry Corbalan, ma dinò Stéphane Usciati è Jean Luc Casini ùn andarà micca fin'è a fini. Oghji (dumenica), i trè omi sò stati cunfruntatti à u gattivu tempu. Postu ch'ellu ùn si pudia micca cuntinuà a sfida, ani prifiritu pighjà nisun risicu piantendusi in A Sulinzara. A squadra hà da passà a notti pà ssi lochi. Una dicisioni sarà presa dumani pà sapè di chì manera ani da vultà in Aiacciu. "Semi assai dillusi ma i cundizioni climatichi divintavani troppu difficiuli. Emi presu un grossu timpurali vicinu à Sulinzara è a securità di i parsoni chì ci suvitavani in kayaks è annant'à u battellu ùn era più assicurata", ci hà palisatu Thierry Corbalan calchì minuti fà à u telefunu. "Hè un piccatu parchì aviaimi trovu un bellu ritimu cù sequenzi di dui ori di notu è quattru ori di riposu. Hè soprattuttu un piccatu parchì di manera generali, u tempu hè piuttostu bonu di sittembri pà rializà ssu gennaru di sfida. Ùn semi micca stati furtunati par disgrazia". Ramintemi chì i trè nutadori sò partuti da Purtichju ghjovi scorsu, in sirata, pà fà un ghjiru di Corsica à u notu. Una sifda rializata à prò di dui associ caritativi : le Dauphin corse è les Pupilles des pompiers.