Thibault Belanger grand gagnant de Koh-Lanta
Marti passaia in direttu à nantu à TF1, è in prima parti di sirata, a finali di Koh-Lanta.
Pà a prima volta, ci participaia un candidatu corsu.
Dopu ad avè vintu a prova d’uriintazioni, Thibault Belanger si truvaia dunqua à nantu à i pali, ma hè statu u sicondu à cascà mentri issa prova.
Ripresu da Charlotte, a candidata belgica, si hè prisintatu davanti à i so cumpagni pà u votu finali di l’ultimu focu.
Avendu fattu più voti chè u so avvirsariu, hè oramai u primu candidatu corsu ad avè vintu iss’emissioni strema di TF1.
Una vittoria miritata, è un parcursu ind’iddu hà fattu veda, Thibault Belanger, uni pochi di beddi valori à i telespittatori.
Sur le même sujet
