Territoriales : Sondage IPSOS pour France 3 Corse/Via Stella, Gilles Simeoni en tête des intentions de vote
Hè stata publicata marti da Via Stella una inchiesta IPSOS, da prisintà i intinzioni di voti pà u 1u ghjiru lli tarrituriali, u 20 di ghjunghju.
Gilles Simeoni saria u primu, cù 25 %. Daretu veni Laurent Marcangeli cù 23 %. Jean-Christophe Angelini saria 3u cù 11 %.
Venini dopu Jean-Charles Orsucci (9%) è Agnès Simonpietri (8%). I dui listi indipindintisti, quidda di Jean-Guy Taklamoni è quidda di Paul- Félix Benedetti, cù 7 % par omu, pudariani ghjunghja à u sicondu ghjiru.
Cù 5 %, Michel Stefani ùn si pudaria mantena, ma pudaria lià si cù un’altra lista pà u sicondu ghjiru.
François Filoni (4%) è Jean-Antoine Giacomi (1%) sariani scantati subitu, senza mancu u drittu di lià si cù un’altra lista.
I candidati i più pupulari sò Gilles Simeoni (71 % di i parsoni t’anu una bona upinioni d’iddu), Laurent Marcangeli (57%) è Jean-Guy Talamoni (49%).
L’ultimi d’issa classifica sò François Filoni (20%) è Jean-Antoine Giacomi (17%).
