Territoriales : le Rinnovu a présenté son initiative
(A redazzioni d'Alta Frequenza) - Purtà un naziunalisimu chì cuntinueghja à arrimbassi à i fundamenti di a lotta dipoi più di quaranta anni, eccu l’ambizioni di u Rinnovu pà ssi tarrituriali. Un discorsu lampatu più o menu à Corsica Libera è Femu a Corsica, è chì hà dinunziatu l’evuluzioni di pinsata di quilli chì portani ciò ch’elli chjamani u clanisimu, chì d’appressu à elli sariani in traccia di fà schjattà da l’internu u naziunalisimu Corsu impatruniscendusi certi idei. U Rinnovu hà incalcatu dopu annant’à u fattu chì oghji, i corsi sò in minurità annant’à u so tarritoriu, è voli chì l’affari si piantessi. Unu di i puntelli maiò di a campagna di u Rinnovu duvaria essa l’ecunumia, cù assai pruposti pà ripighjà in manu l’avvena di a Corsica. Dinò, u Rinnovu voli chì i filieri d’energia pulita sighini sfruttati à u massimu di i so capacità, par asempiu i filieri idrolichi è cunsumazioni di legnu.
Un prugramma ch’ellu ci prisenta Paul Félix Benedetti, u numaru unu di a lista.
Sur le même sujet
