Territoriales : l'union des nationalistes essentielle pour Corsica Libera
(A redazzioni d'Alta Frequenza) - Corsica Libera urganizava ssu marcuri à sera u so nanzi ultimu meeting di campagna in Aiacciu, in una sala Sampieru Corsu di u Palazzu di i Cungressi propiu colma. Un appuntamentu caratterizatu da una ditarminazioni putenti di i sfarenti intarvinanti à a tribuna, bramosi di veda u so partitu u più altu pussibuli dopu à u prima ghjiru di i tarrituriali. Una cundizioni di primura da fà chì l'unioni di tutta a famighja naziunalista si pudissi cuncretizà in a perspettiva di a vittoria u 13 di dicembri, dici Corsica Libera. Passà accantu à un'uccasioni simuli saria un sbagliu puliticu gravi, l'affari saria ancu criminali, à parè di u capimachja di a lista Ghjuvan Guidu Talamoni. Un sintimu spartutu da a numaru 2 di Corsica Libera.
Steti à senta à Josepha Giacometti.
