Territoriales : Jean-Martin Mondoloni candidat
(A redazzioni d'Alta Frequenza) - Jean Martin Mondoloni annunzia di manera ufficiali a so candidatura pà l'alizzioni tarrituriali chi venini. Mentri chì Valérie Bozzi hà dighjà annunziatu ch'ella saria in corsa, u pruvisori di u liceu di Corti si lancia anch'ellu ind'a campagna. Jean Martin Mondoloni purtarà dunqua a so lista inghjiru à una dimarchja "di diritta regiunalista" chì si chjamarà Sapè (Salute, Prufessiunalisazione, Ecunumia). Par ellu, ci voli à difiniscia prima di tuttu un prugramma prima di lanciassi in un casting. Pà ciò chì cuncerna a rumpitura à diritta, u candidatu Mondoloni dici ch'ellu hè prontu à riduciala à u sicondu ghjiru, nant'à una basa prugrammatica è un prughjettu cumunu chì pudaria avvicinà u so currenti d'idei di pettu à quillu di Valérie Bozzi. Intervista da ritruvà ind'u nostru nutiziali di luni.
