Territoriales : Femu a Corsica veut dépasser le contrat Pè a Corsica et propose un nouveau contrat à ceux qui souhaitent le rejoindre
L’affari era aspittatu. Femu a Corsica hà fattu duminica a so cunsulta di 70 diligati, da difinì a so andatura pà i tarrituriali di u 20 è u 27 di ghjunghju.
A a isciuta d’issa riunioni, i cosi sò chjari : Femu a Corsica hà dicisu di fà la finita cù u cuntrattu « Pà a Corsica », è di prupona ni un altru pà i setti anni à vena.
Dici u muvimentu chì logica di partiti o purzioni attribuiti ùn ci ni sarà, à l’ora di fà a lista. U prughjettu sarà apartu à chì u faci soiu, ancu puri senza essa naziunalistu.
Femu a Corsica hà mintuvatu a nicissità di rivena à u ghjuramentu llu 2015. Jean-Félix Acquaviva dici ch’iddu ci voli à fà la finita cù i cumpurtamenti individuali è cù a cumpitizioni à tutti conti.
Vali à dì chì i cunsiglieri esecutivi è l’uffizii ùn devini funziunà in autunumia ma rispittà a foglia di rotta data da u prisidenti di l’esecutivu : par Femu a Corsica, hè iddu solu à dirighja a navi !
Infini, dici Femu a Corsica chì a priurità devi essa data à a lutta contru à l’ecunumia di a rendita, a spiculazioni immubiliaria è i munopoli.
Etica è chjarura devini essa i punteddi maestri d’issu prughjettu, chì Gilles Simeoni ni parlarà in i ghjorna à vena.
Steti à senta à Jean-Félix Acquaviva.
Sur le même sujet
