Territoriales 2021 : Gilles Simeoni se dirige vers un second tour en solo
Accolti in Casamozza, Gilles Simeoni è quiddi lla so lista « Fà Populu Insemi » parini avè sceltu d’avanzà soli pà issu sicondu ghjiru.
In un cumunicatu, « Fà Populu Insemi » spieca chì par custruì l’accolta a più larga, avia prupostu, innanzi à a campagna lli tarrituriali è innanzi à l’ufficialisazioni lla so dimarchja, à ugni cumpunenti lla maiurità tarrituriali un’andatura cumuna arrimbata à sei principia, chì sò stati elementi di primura di a cunfidenza è u sustegnu ch’iddi li ani datu i corsi pà issu primu ghjiru di l’alizzioni. Sò dunqua issi punti i fundamenti d’un’avvicinata duratoghja è d’un cuntrattu di mandatura. Ma issi punti, sinu ad oghji, ùn sò stati validati da quiddi chì pudariani essa soci di « Fà Populu Insemi ».
Pari ch’idda sichi difficiuli di pinsà chì issi quistioni di primura - ch’ùn sò sbuccati à nantu à un accordu dopu à tanti sittimani di discursati – poschini essa validati in pochi ori.
A lista « Fà Populu Insemi » cuntinuvarà quantunca, da culandi bè à i discussioni di tempa alitturali, à circà à fà viaghjà, travaddà è guvirnà insemi tutti quiddi chì spartini a vulintà di custruì issu paesu.
Sur le même sujet
