Tentative d'homicide contre Olivier Sisti à Aleria
(A redazzioni d'Alta Frequenza) - Prova d'assassiniu in Corsica Suprana stamani (luni). Sicondu i primi elementi racolti, un omu, Olivier Sisti, hè statu feritu da balli mentri ch'ellu guidava a so vittura vicinu à u Forti nant'à a cumuna d'Aleria. Toccu da unu o parechji balli, a vittima hà riisciutu quantunqua à cuntinuà a so strada, ed hè andata à a caserna di i spinghjifochi di issi lochi. Subbitu presu in carica da i salvadori, l'omu feritu hè statu traspurtatu ver di l'uspidali di Bastia, via l'elicotteru di a securità civili. Micca elementi in più nant'à u statu di saluta pricisu di a parsona tocca ; a so vita ùn saria micca in periculu malgradu tuttu. Da nutà chì u risturanti di piaghja, di u quali hè pruprietariu a vittima, hè statu brusgiatu ind'a notti di sabbatu à dumenica in Aleria. L'inchiesta hè stata cunfidata à a gendarmeria.
Sur le même sujet
