Le Direct

Tentative d’extorsion de fonds des entreprises Paolacci : de nombreuses réactions

  I impresi Paolacci sò stati tocchi da una prova di racket. Riazzioni ci n’hè statu parichji, dopu ch’iddu sichi statu resu publicu l’affari.

Jean-Christophe Angelini, u merri di Portivechju è cunsiglieri tarrituriali, hà dittu chì « a libartà di a impresa, u valori llu travaddu sò i punteddi maestri di u nosciu prughjettu puliticu, è ùn si pò cunceda ch’iddi sichini rimissi in causa d’issa manera. U PNC manda à a famidda Paolacci u so sustegnu è a so sulidarità pulitica ».
À nomu di u so partitu, Jean-Christophe Angelini si hè dittu « uffesu da i prissioni fatti à issa famidda. A sucità corsa chì no’ vulemu ùn si pò arrimbà à raporti di forza è atti viulenti com’è quissi ».

Esteban Saldana, u capifila di l’uppusizioni à u cunsigliu municipali di i Prunelli di u Fium’Orbu, hà riagitu ancu iddu, via i reti suciali. Cunsidarighja chì « vulè arrubbà una famidda di travaddadori unesti è priziati dà a misura di ciò ch’idda hè duventa a noscia sucità, chì perdi i so valori ».

« U travaddu, l’unestità è u stintu paisanu sò d’issi valori à difenda ugni ghjornu », dici in chjudenda Esteban Saldana.

Hà riagitu dinò u cullittivu « A Maffia nò, a vita iè », mandendu u so pienu sustegnu, di pettu à issa prova di racket.