Tentative d'enlèvement en Haute-Corse
(A redazzioni d'Alta Frequenza) - Prova di rapt issu dopu meziornu (ghjovi) in Corsica Suprana. I fatti sò accaduti trà 3 ori è 5 ori, nant'à a cumuna di Santu Niculau di Muriani. Sicondu i servizii di a prifettura di Corsica, a vittima saria stata presa da dui omi incapucinati, nanzi d'essa stata minata è missa ind'u cascionu di una vittura, duva saria finalmenti riisciuta à scappà. Iss'omu hà riisciutu à dà l'alerta ed hè statu presu in carica da i succorsi. L'inchiesta hè stata cunfidata à i servizii di gendarmeria. Micca elementi in più nant'à iss'affari.
Sur le même sujet
