Tempête Hervé : la Corse en vigilance orange ce mardi pour des vents violents
A timpesta Hervé hà da passà in Corsica, è ci sarà dunqua una vighjulanza arancina parvia di i venti viulenti, da marti à sei ori di mani sinu à ott’ori di sera à u minimu.
À senta à Meteò france, un currenti forti hà da passà in l’Alpi è in Corsica in a ghjurnata di marti, fendu sbuccià issa timpesta.
In fin’di nuttata da luni à marti, à nordu è à liventi lla Corsica, u ventu ghjuntu da u Punenti sarà forti è ancu viulenti.
Marti in prima matina, da a Balagna à i circondi bastiacci, è in i muntagni llu centru, i buffulati tuccarani 120 o 130 chm à l’ora. In Capicorsu, pudariani francà i 170.
Marti matina, a piaghja à liventi, da a Sulinzara à Portivechju, sarà tocca ancu idda da buffulati di 120 o 140 chm à l’ora.
In l’internu, da u Rinosu à l’Alta Rocca, s’aspettani buffulati di 150 chm à l’ora.
In dopu meziornu, duvaria calà u ventu in Cismonti. Ma pudaria piddà forza à Punenti, cù buffulati à 120 o 140 chm à l’ora in i marini aiaccini, è ancu in u Purtivichjacciu in prima sirata. Pà u Pumonti, ùn duvaria calà u ventu innanzi à marti à sera.
A Cullittività di Corsica faci dunqua sapè chì trasporti sculari o interurbani ùn ci ni sarà marti, parvia d’issa vighjulanza. I scoli stani aparti da pudè accodda l’elevi. Ma, s’idd’hè pussibuli, si cunsiglia à ugnunu di stà si ni in casa soia.
Sur le même sujet
