Le Direct

Tempête en Corse : une touriste italienne en urgence absolue à Calvi, 35 000 clients toujours sans électricité

A prifittura llu Cismonti hà datu cumunicazioni, par ciò chì tocca à a timpesta di ghjovi.
Hè stata data cunfirma di a morti d’un omu di 46 anni, chì un arburi l’hè falatu à dossu in un campeghju di Calvi. Una turista taliana di 23 anni hè in urgenza assuluta, ferta ancu idda in un campeghju di Calvi. In arrestu di cori à a ghjunta lli succorsi, hè stata purtata à u spidali in Bastia. In Calvi, hè stata missa in anda una cellula psicologica.

A vighjulanza arancina si hè ferma à 11 ori, ma u dipartimentu si ferma in vighjulanza giadda à mutivu di « situazioni meteorologica à surviglià », parvia d’un risicu di scurruttoni chì si manteni sinu à dumani matina à novi ori à u minimu. In fin’di ghjurnata, si pudaria turrà à a vighjulanza arancina.

Par ciò chì tocca à stradi è trenni, l’affari parini turrà nurmali. I stradi tarrituriali sò tutti aparti, ancu puri ch’iddu si viaghji colpu à colpu pà una via sola.

Tocca a meza ghjurnata, 35 000 clienti erani sempri privi di lumu. Certi intarventi cù l’elicottaru si duvariani fà in primu dopu meziornu.