Tempête Adrian : quels dispositifs d'indemnisation ?
(A Ridazzioni d'Alta Frequenza) - Dopu à u passaghju lla timpesta Adrian, ramenta, a prifittura lla Corsica, qualiss’iddi sò i dimarchji à metta in anda, da indannizà à quiddi chì n’ani suffertu à veru. Ùn sarani cunsidarati da « scumpienti naturali » chè i danni liati à l’azzioni llu mari, i pieni o i fanghimotti. I danni si devini dichjarà in mirria. A mirria, tandu, cumpletta u CERFA è u trasmetti à u prifettu. Sè un arrestu ministiriali faci custatu di u scumpientu naturali, è sè i danni sò presi in contu da un cuntrattu d’assicuranza, pò principià tandu a struzzioni llu cartulari. Par ciò chì tocca à i danni llu ventu, sò presi in carica da i cuntratti d’assicuranza lli particulari. In certi casi, sarà dumandatu un cirtificatu di timpurali. Certi assicuranzi si ghjuvarani simpliciamenti di l’elementi posti à nantu à u situ di Meteo france, à u sughjettu lla timpesta Adrian. A tempu chì una parsona n’hà avutu cunniscenza, i danni devini essa dichjarati, in un tempu ch’ùn pò francà i cinqui ghjorna travaddati
Sur le même sujet
