TCA : toujours le blocage
(A redazzioni d'Alta Frequenza) - Cunflittu di l'autobus aiaccini, semi finalmenti appena com'è in Roma, vali à dì aspittendu un fumu biancu o un fumu neru annunziendu chì u cunflittu si compii o cuntinueghja. Rammintemi chì i cunduttori di bus bloccani dipoi stamani (luni) una via d'accessu à a cità d'Aiacciu. In fatti, iss'ultimi ùn sò micca d'accunsentu cù u novu sistema elettronicu è infurmaticu di bighjetti missu in piazza dipoi u 1u di marzu chì à parè soiu li punaria parechji prublemi. Un sistema chì, sempri sicondu iss'ultimi, purtaria frà altru à fà cunducendu manipulazioni infurmatichi chì pudariani inghjinnà prublemi diversi. Issu dopu meziornu, i raprisintanti sindicali ani scuntratu tutti i rispunsevuli di a CAPA. Pari chì u scambiu ùn avissi micca parmissu di sbluccà a situazioni parchì i grevisti sò andati dopu à a DIRECCTE, di modu più chjaru a direzzioni di u travaghju. Puntu micca à paru di pettu à a CAPA : u novu sistema elettronicu è infurmaticu di bighjetti duvaria avè fattu l'ughjettu di discussioni prima d'essa stallatu inde tutti i veiculi ? È di issa risposta dipindarà a seguita di u cunflittu.
Écoutons Pascal Miniconi, qui à l’issue de la réunion de cet après-midi à tenu à évoquer brièvement la position de la CAPA.
