Taxe GEMAPI dans la CAB : Francis Riolacci a voté contre
(A redazzioni d'Alta Frequenza) - Vennari, a Cumunità d'Agglumerazioni di Bastia hà vutatu, cun amarezza, l'impositu GEMAPI. St'impositu, liatu à a cumpetenza di a gistioni di i risichi acquatichi, tralasciata da u Statu, hè stata fissata à 14,52 auri par abitanti pà riguarà à pocu pressu 863 000 auri. Inde i fatti, l'impositu annuali andarà da 25 à più di 40 auri à l'annu par ogni casa fiscali, sicondu parechij criterii. Ma certi, rari, com'è Francis Riolacci, ani vutatu contru. Sicondu l'elettu d'uppusizioni, a CAB t'avia pussibilità chì li parmittiani di finanzià a so cumpetenza nova senza passà pà un impositu cusì altu. Soprattuttu, st'impositu GEMAPI devi essa d'appressu à ellu un segnu à pighjà in contu pà tutti quilli chì volini di più autunumia.
Steti à senta à Francis Riolacci.
