Talamoni: "non à la substitution de population !"
(A redazzioni d'Alta Frequenza) - I corsi chì partiani vinti anni fà tiniani a spiranza di vultà, i corsi chì partini oghji ani persu ssa spiranza! Ss'affirmazioni pichja cù forza nant'à tutti quilli chì, da vicinu o da luntanu, s'intarrugheghjani nant'à ssa quistioni. Pulemica di l'istati par via di i cunnarii di certi ghjurnalisti, u prublema di l'alloghju, di u fundariu è di u statutu di residenti nutrisciarà torna altri pulemichi da quì à calchì settimana.Corsica Libera ùn voli cappià nulla nant'à ssa quistioni quì: si vedi, dici quissa quì, in ssu mumentu, una sustituzioni di pupulazioni chì inghjenna senza nisun dubbitu una situazioni dramatica. 25% di crescita in un annu nant'à i prezzi di l'immubiliari! Un affari chì ùn si pò suppurtà è tuttu pò schjattà s'è misuri d'urghjenza è radicali pà fà piantà ssu dannu ùn sò micca presi; hè ciò ch'ellu pensa Jean Guy Talamoni ed hè ciò ch'ellu ci dici forti è cù forza.
Ecoutez-le.
Sur le même sujet
