Système Giacobbi : quel système ?
(A redazzioni d'Alta Frequenza) - Micca banali ! Hè difficiuli di truvà un qualificativu pà i parolli ditti oghji (ghjovi) da Paul Giacobbi à a tribuna di l’Assemblea di Corsica. U presidenti di l’Esecutivu ùn s’hè micca fattu prigà pà dinunzià tutti l’offesi chì toccani in ssu mumentu l’istituzioni tarrituriali è ellu stessu in particulari. Fendu rifarenza à l’attualità bullenti, Paul Giacobbi hà dittu chì « ci sò altri rumenzuli » ; ni cunnosci « i criatori » è hà vulsutu arrigulà i so conti. Paul Giacobbi hà presu ogni offesa chì u tocca : l’affari dittu di i « gîtes », di quali ellu aspetta cun impazienza chì a ghjustizia l’intarrughessi, o ancu u famosu articulu di u Canard Enchaîné chì parla d’impieghi fittivi iputetichi. Paul Giacobbi hà dicisu di riagiscia pighjendu misuri : tutti i studii d’associ sarani trasmessi à u prucuratori, parchì a ghjustizia hè quì in casa soia hà dittu u presidenti di l’Esecutivu. Hà fattu falà i cutrati dinò contr’à una certa stampa isulana, chì pudaria avè calchì sguardu di u CSA. Hà alertatu dinò l’upinioni publica annant’à « manipulazioni manifesti » cumpiendu u so discorsu incalchendu annant’à una verità, a so verità : ùn c’hè micca sistema.
Steti à senta à Paul Giacobbi.
Sur le même sujet
