Succès populaire pour le marathon d'Ajaccio ce dimanche
Duminica, ci hè statu u 34esimu maratonu è mezu maratonu d’Aiacciu.
U successu l’hà avutu, chì sò stati più di middi parsoni à participà à issa cumpitizioni spurtiva, ghjunti da i circonda aiaccini, da tutta a Corsica o ancu da a francia.
U traghjettu, longu à a strada lli Sanguinarii sinu à a Parata, dà un quadru di quiddi trimendi à l’aienti ghjunti à curra.
U maratonu, l’hà vintu u brittonu Pierre Lebegue, in 2 ori è 32 minuti è 32.
Iddu faci parti di a diligazioni di 24 militari suttimarinari prisenti à iss’evenimentu.
Hè ghjuntu davanti à Pierre Fiori è à Cédric Orengo.
U mezu maratonu l’hà vintu Louis Deche in un’ora è 14 minuti è 37.
Infini, Axel Mondain hà vintu i deci chilomitra in 33 minuti è 14.
