Le Direct

Stella Mare à la tête d'une avancée de taille mondiale concernant la reproduction de langoustes

Ancu puri ch’iddu ci sichi u Covid, u cumplessu univirsitariu di ricirca Stella Mare ùn hà firmatu i so attività.

Pà una di quissi, i risultata pudariani avè a so impurtanza à liveddu mundiali.

Marti, cù l’appoghju llu CNRS, Stella Mare hà annunciatu ch’idda era riiusciuta à ripruducia a largusta russa palinurus elephas. Issu razzinu hè beddu dilicatu, è ùn sò chè trè in u mondu i lavuratoria capaci à ripruducia la à liveddu ghjuvanili.

Pà sei elementi ghjuvanili, sò stati 50 % à campà à l’ultimu stadiu larvali. Issi risultata sò di quiddi più boni : in un annu, Stella Mare hè ghjuntu à un puntu chì i lavuratorii giappunesi ani missu monda più tempu à tuccà lu.

Ma soca ci vurrà à aspittà uni pochi d’anni, innanzi di veda affaccà largusti pronti à essa rimissi à a natura.
Com’iddu a dici u prufissori Antoine Aiello, u dirittori di Stella Mare, ci hà da vulè à custruì un polu di sviluppu, da pudè massificà a ripruduzzioni lli largusti, o ancu d’altri razzini s’iddu ci voli.

Steti à senta à Antoine Aiello.