STC : poursuite du mouvement de grève illimité à l'hôpital de Castellucciu
(A redazzioni d'Alta Frequenza) - Mubilisazioni larga arimani davanti à l'Agenza Regiunali di a Saluta in Aiacciu di u STC di l'uspidali di Castellucciu chì, dopu à 9 ghjorni è 8 notti d'occupazioni di ssi casali, hà dicisu di principià un muvimentu di greva inde a struttura di saluta. Ramintemi chì u sindicatu dumanda un inviluppu di 2 millioni d'auri pà riailzà travaghji urghjenti di riumanisazioni, eppo un antru di 3 millioni d'auri pà un prughjettu di psicugeriatria. Di pettu à pruposti di l'ARS intarvinuti marti à sera chì ùn bastani micca è à un silenziu scemu di u ministeru di a Saluta, u STC hà dicisu dunqua di fà crescia u muvimentu. Ci sò stati dui appuntamenti duranti u dopu meziornu : unu cù a direzzioni di l'uspidali, l'altru cù quilla di l'ARS, senza chì i cosi sbuccessini nant’à una fini pusitiva. A mubilisazioni cuntinueghja dunqua.
Steti à senta à Maxime Serra, dilegatu sindicali STC Castellucciu.
Sur le même sujet
