STC : halte à la spéculation autour du patrimoine immobilier des hôpitaux de Corse
(A redazzioni d'Alta Frequenza) - "U nostru patrimoniu di l'uspidali hè in periculu" ! Eccu u mughju di più in più forti di u STC, chì urganizava ssu vennari una cunfarenza di stampa in Aiacciu. U sindicatu naziunalistu hà missu in avanti ciò chì ùn hè micca pà daveru un sicretu : i risichi speculativi inghjiru à u patrimoniu immubiliari di l'uspidali di Bastia, Bunifaziu ma dinò è soprattuttu di a Misericordia. In fatti, pà ciò chì tocca ss'ultimu, 13 ettari in centru cità sò cuncirnati, cù u timori, par via di a nascita di u futuru uspidali di u Stilettu, di un appitittu di più in più maiò. Pà u STC, ùn ci voli micca à abbandunà un patrimoniu simuli à speculatori pussibuli, cù soldi chì ghjuvariani à culmà un debbitu o à pagà l'attrazzi novi di l'uspidali futuru.
Steti à senta à Jean Brignole pà u STC.
