Statut de résident : après Cuttoli, Balogna et Granace, Ghisonaccia ?
(A redazzioni d'Alta Frequenza) - A maiò parti di a raprisintazioni pulitica corsa hè stata scuzzulata daveru dopu à i parolli di u ministru di l'Internu duranti a so visita inde l'isula, chì hà mandatu à caternu qualsiasi evuluzioni istituziunali pà a Corsica. Bernard Cazeneuve hè statu par asempiu più cà chjaru annant'à un cartulari propiu caldu, quillu di u statutu di residenti. Vutatu u 25 d'aprili scorsu cù 29 voti annant'à 51 à l'assemblea di Corsica, quissu quì ferma difesu cù forza da l'eletti prugressisti di manca è da tutta a famighja naziunalista malgradu l'innò seccu di u ministru di l'Internu. Una resistenza di pettu à u Statu chì s'urganizeghja dinò ind'i cumuni di l'isula, com'è in Cuttuli è Curtichjatu, Balogna, Granace, o ancu parchì micca da quì à pocu A Ghisunaccia induva u gruppu d'uppusizioni Inseme per a Ghisunaccia hà postu una muzioni cuncirnendu u statutu di residenti chì duvaria essa asaminata da u cunsighju municipali da quì à u mesi di lugliu.
Steti à senta à Jean Pierre Antonelli, cunsighjeru municipali d'uppusizioni naziunalistu in A Ghisunaccia.
Sur le même sujet
