Stade Armand-Cesari : le calendrier de la rénovation se précise après le ciblage des besoins
Luni, a cumunità d’agglumirazioni bastiaccia hà prisintatu l’almanaccu lla rinuvera llu stadiu Armand Cesari. Dopu ch’idda si sichi intesa cù u SC Bastia, i sustinidori, i lighi corsi di ballò è di rugby, i fistivalieri è i ghjurnalisti, circa quindici punti sò stati pricisati.
Ricustruzzioni cumpletta di a tribuna à liventi, tettu rifattu in tuttu, novi spazii VIP, stesa di u pratu di ghjocu, criazioni d’un anfiteatru è ancu d’un museu di a squadra, santuarisazioni lli circonda llu stadiu… Eccu uni pochi di i punti d’un prughjettu chì tuccarà i 7,5 miliona d’auri.
Di ghjunghju, sarà stabilitu u prugrama è sarani scelti i impresi ; d’uttrovi, u mudellu riduttu llu stadiu novu sarà silizziunatu è prisintatu, è i travadda duvariani affaccà à l’entra lla staghjoni 2023/24.
A scumissa hè di fà un stadiu più cunfurtevuli, è più asattu à sfruttà, da pudè rimpattà i 2,3 miliona d’auri d’intrattinimentu annincu.
Steti à senta à Louis Pozzo di Borgo, u prisidenti lla CAB.
I socios di u Sporting sò stati d’issi discursati, è sarani di u cumitatu tecnicu allargatu chì sarà missu in anda in i sittimani à vena. Par iddi, u stadiu, ancu puri mudernizendu si, ùn devi perda a so anima. Par quissa, ci vurrà à lacà una piazza impurtanti à i publichi pupulari è à a storia lla squadra.
Steti à senta à Alex Negroni, di u scagnu di i socios.
Sur le même sujet
