Stade Armand-Cesari : la CAB, la CdC, et les acteurs des secteurs du sport de la culture réunis pour définir le futur de l'enceinte
Ghjovi, a cumunità d’agglumirazioni di Bastia, prupriitaria llu stadiu Armand Cesari, hà accoltu parichji attori, par parlà di u prughjettu lla so rinuvera.
À torru à Louis Pozzo di Borgo, u prisidenti lla CAB, c’erani i cunsiglieri esecutivi Lauda Guidicelli è Antonia Luciani, u prisidenti llu SC Bastia, i Lighi corsi di ballonu è rugby, è i riprisintenti di parichji fistivali lli circondi bastiacci.
Si circaia chivi à difinì l’ultima rinuvera d’un arnesi ch’ùn hà mai pussutu ghjuvà di manera ottima.
Annu d’istati, uni pochi di travadda erani custati 700 000€. Cù issa siconda passata, chì duvaria tuccà i 6,8 miliona, duvariani essa ricustruiti è cuparti i tribuni à Livanti è à Punenti, è i dui altri ripresi un pocu.
L’idea hè di fà chì u stadiu ùn ghjovi solu pà i scontri llu Sporting.
A CAB spera d’avè compiu issi travadda pà a staghjoni spurtiva 2024-25, ancu puri chì u parcintuali llu PTIC sichi calatu à 50 % llu finanzamentu, inveci di i 80 % prumissi.
Steti à senta à Louis Pozzo di Borgo, u prisidenti lla CAB.
U SC Bastia si rallegra d’issu prughjettu, è t’hà a vulintà di lià ci i sustinitori.
Cù un stadiu cuncipitu meddu, è ancu più cunfurtevuli, ci hè a pussibilità pà a squadra chì ci ghjoca di fà calchì incasciu.
U Sporting spera dinò ch’iddu sarà risoltu cù issi travadda u pinseri di l’arghja di ghjocu, l’arba issendu ni oghji in via di spirtizia.
Steti à senta à Claude Ferrandi, u prisidenti llu SC Bastia.
