Sordide affaire à Ajaccio
(A redazzioni d'Alta Frequenza) - L’affari hè ammintatu da Corse-Matin, ed hè particularmenti bruttu. Un ciucciu d’8 mesi, stendu in Aiacciu, saria statu maltrattatu, o ancu vittima d’atti sessuali. Hè arimani (ghjovi), appena nanzi à 9 ori chì spinghjifochi sò chjamati ind’un appartamentu di u quartieru di i Salini pà un zitellu feritu. Una volta sopralocu, scoprini marchi suspetti. Traspurtatu à l’uspidali, u zitellu hè presu in carica, è i medichi rilevani tracci di colpi è feriti in capu. Si suspittaria ancu un attu sessuali. U ciucciu hè traspurtatu tandu ver di un uspidali spicializatu in Marseghja, cù un avviò sanitariu. A mamma hè stata missa in guardia custodia, da pruvà à sapè i circustanzi è i fatti inghjiru à issu drama. Stà ind’un appartamentu, in cumpagnia di parechji altri parsoni. Si ni duvaria sapè di più da quì à calchì ora, da u cantu frà altru di u ministeru publicu di Corsica Suttana.
Sur le même sujet
