Le Direct

Soirée cauchemar pour l'ACA défait à domicile face à Guingamp (0-1)

Sabbatu, hè statu à veru un sunniacciu pà l’AC Aiacciu, u so scontru contru à Guingamp.
L’aiaccini ani persu 1 à 0 in casa soia dopu à un marcu di Livolant – iè, si chjama cussì ! - passati 65 minuti di ghjocu.

Era cuminciata mali a sirata, postu chì Gaëtan Courtet si hè buscu una carta russa dopu à 10 minuti di ghjocu, senza vera ghjustificazioni.

10 minuti dopu, u guardianu brittonu lampaia in tarra à Ria Nouri, è di manera bedda viulenti. Ma pà l’arbitru, calciu di riparu ùn ci n’era !

Infini, in a siconda parti llu scontru, Livolant mandaia à Benjamin Leroy à nantu à u catalettu, buschendu si à pena una carta giadda.
Una sirata à sminticà subitu, dunqua. L’AC Aiacciu, dopu à issu scontru, si ni fala à a quarta piazza.