Social : le STC occupe l'hôpital de Bonifacio
(A redazzioni d'Alta Frequenza) - Occupazioni ssu marti di i casali di u spidali di Bunifaziu è di a so direzzioni da u STC. Un muvimentu di greva chì u sindicatu ghjustificheghja da una mancanza di mezi umani in a struttura, par asempiu cuncirnendu l'infirmeri è l'aiutenti pà i curi. Di fattu, sicondu u STC, i parsunali devini fà fronti di pettu à cundizioni di travaghju difficiuli, cù orarii di più in più longhi è ghjorni à riguarà ch'elli ùn poni più pighjà. U sindicatu aspetta risposti chjari da a parti di u direttori, chì ùn hè micca prisenti par avà in u stabilimentu, pà truvà una suluzioni à ssa situazioni prublematica, vali à dì impiegà parsoni chì si scrivissini inde u tempu pà i settori citati.
Steti à senta à Françoise Cinarca pà u STC di l'uspidali di Bunifaziu.
