Social : grève, débrayages et manifestations à Ajaccio et Bastia ce jeudi
Ghjovi matina in Bastia, ghjovi dopu meziornu in Aiacciu : i grivisti ani participatu à a prima mubilisazioni interprufiziunali dipoi a riintruta.
Si hè parlatu di u puteri lla comprita, di a inflazioni, di i misati, di a vita cara, o ancu di i ritirati. Issi tanti sughjetta impinsiriscini à veru i travaddadori, falati in carrughju : in Bastia, erani circa 250 i parsoni mubilizati.
In l’Educazioni Naziunali, in u primu gradu, erani 14 % à fà greva in Pumonti è 24 % in Cismonti. À a Posta, à senta ni a dirizzioni, erani 10,5 % à fà greva in Corsica.
Pà issu sittori d’altrondi, era urganizata un’accolta davanti à a dirizzioni d’Aiacciu di matinata, è una davanti à a Posta lla piazza San’Niculaiu in Bastia.
À EDF dinò, parichji parsoni ani smissu di travaddà.
