Social : FO services publics réclame une vraie revalorisation de la prime de transport
Vennari in Aiacciu, Force Ouvrière hà fattu una cunfarenza di stampa, dumandendu ch’idda sichi rivalutata « l’indennità di vita cara » di l’agenti publichi, in Corsica.
U custatu fattu da u sindicatu hè di quiddi pessimi : à liveddu naziunali, dipoi u 2011, a inflazioni ni ghjunghji à 15 %. U puntu d’indiziu, inveci, ghjilatu chì sò 10 anni, ùn hè crisciutu chè di 3,5 % iss’istati. Mancu di chì rimpattà a inflazioni d’issi 12 mesa, chì tocca i 6 %.
U sindicatu dumanda ch’idda sichi rimpattata a calata llu puteri di comprita, rivalutendu à u minimu di 15 % l’ICFT, è ch’idda sichi liata quissa chivi à a inflazioni.
L’urganisazioni dumanda à essa ricivuta da u prifettu, è à essa ni di i discussioni cù parigi, par ciò chì tocca à a parti suciali.
Steti à senta à Mathieu Caillaud, u sicritariu dipartimintali di FO pà a Funzioni publica.
Sur le même sujet
