Sixième édition des Scontri di a Muntagna Corsa
Ghjovi in Zicavu, hè principiata a sesta edizioni lli Scontri di a Muntagna Corsa, fatta à l’iniziativa lla Cullittività di Corsica è di u Cumitatu di a Furesta.
Si hà da cuntinuvà issu vennari.
Issi scontri t’ani par scopu d’accodda à quiddi chì sò cuncirnati da a muntagna, da prupona li scambii, dibattiti è attelli di travaddu liati à i prublimatichi di i tarritoria di l’internu è di a muntagna.
Issa sesta edizioni hè didicata à a rivisioni llu Schema d’Accunciamentu, di Sviluppu è di Prutizzioni lla Muntagna. A metudulugia di rivisioni hè stata validata di nuvembri, mentri u Cumitatu di a Furesta di u Salice.
L’attelli, à issa ghjurnata, sò stati numarosi. Ci si hè parlatu d’acqua è d’assanamentu, d’infrastrutturi, di reti, di sirvizia liati à u suciali è à a saluta.
Vennari, si parlarà di turismu è d’agricultura in muntagna, ma ancu di sirvizia liati à l’aducazioni è a furrmazioni.
Sur le même sujet
