Situation de la Cinémathèque de Corse : le sentiment de Jean-Christophe Angelini
(A redazzioni d'Alta Frequenza) - U raportu nant'à u modu di gistioni di l'attività di a Cinémathèque de Corse era in dibattitu stamani (vennari) à l'Assemblea di Corsica. Si trattava esattamenti di l'abbandonu di u rinnovu di a dilegazioni di serviziu publicu è di a ripresa in regia simplici di u serviziu. Sicondu l'Esecutivu di Corsica, i cundizioni ufferti da a CTC pà gistiscia u serviziu di issa sinemateca ùn parmettini micca di guarantiscia un modu di funziunamentu pienu è dunqua d'impona l'ubligazioni di risultatu à u dilegatariu, di pettu à parechji raghjoni. Elementi chì ani mutivatu l'Esecutivu à ùn rinnuvà micca a DSP è di ripighjà in regia u serviziu publicu di a sinemateca à partasi di a fin di issa stessa DSP u 1a d'aprili chì veni. A gistioni era assicurata fin'è tandu da l'associu La Corse et le Cinéma. Ghjuvan Cristofanu Angelini, cunsighjeru tarrituriali Femu a Corsica è cunsighjeru dipartimintali in Purtivechju, hà ritinutu cù suddisfazioni chì mancanzi sighini stati rilevati da u cantu di u sindicatu mistu, è micca à u nivellu di u dilegatariu frà altru, à l'uccasioni di i dibattiti.
Ecoutez-le.
