Signature de la convention tripartite Etat-CTC-Université : la satisfaction du président Romani
(A redazzioni d'Alta Frequenza) - Una cunvenzioni tripartita hè stata firmata à quattru mani dopu meziornu (luni) à l'Assemblea di Corsica. Ssu ducumentu, chì leia u Statu, a cullittività di Corsica è l'Università di u listessu nomu a faci finita cù "l'affari" dittu di a cuufficialità. Ramintemi à l'accorta chì a prima scrittura di ssa cunvenzioni, appruntata da l'Università, facia rifarenza di manera pricisa à u cuncettu di cuufficialità, calcosa chì ùn era micca pussibuli pà u Statu è chì hà dunqua ritardatu duranti parechji mesi u sbuccà di u prughjettu. Hè dunqua cù un veru sullevu è strinti di mani franchi chì u prifettu di Corsica, u Rettori d'Accademia, Paul Giacobbi è Paul Marie Romani ani fattu compia mesi di scambii appena difficiuli. Ci voli à dì quantunqua chì u ducumentu hè impurtanti, ramenta l'ingaghjamentu di u Statu, 34 millioni d'auri sò stati accurdati in cinqui anni à l'Università è parmetti a criazioni di 44 posti frà i quali 35 statutarii. Paul Marie Romani era dinò assai cuntentu di veda sbuccà ssu ducumentu impurtanti pà l'Università di Corsica.
Steti à senta à Paul Marie Romani, u presidenti di l'Università di Corsica.
Sur le même sujet
